उमलले आभाळभर : वैभव जोशी

अप्रतिम कविता , संगीत आणि गायन !!! 

गीत - वैभव जोशी ; संगीत- हृषिकेश-सौरभ-जसराज ; स्वर-अनुराधा कुबेर 

 

उमलले आभाळभर हे चांदणे माझे तुझे

लपवुनी लपलेच नाही भेटणे माझे तुझे

दरवळाया लागली हि शांतता दोघातली

केवढे गंधाळले गंधाळणे माझे तुझे

हे असे श्वासातल्या श्वासात आपण बोललो

आणि वाऱ्याला समजले बोलणे माझे तुझे

उजळला एका क्षणी दोघातला काळोख हा

एकमेकानातुन आता तेवणे माझे तुझे

दोन क्षण रेंगाळलो तर बहर आला एवढा 

सोसले नाही ऋतूंना थांबणे माझे तुझे 

तू मला अन मी तुला वाचुन पाहू चल पुन्हा 

फार झाले या जगाला चाळणे माझे तुझे 

(शेवटची दोन कडवी कविराजांनी मूळ गाणे रेकॉर्ड झाल्यानंतर लिहिलेली आहेत )